មនុស្ស៥នាក់ត្រូវបានកម្លាំងនគរបាលឃាត់ខ្លួនពាក់ព័ន្ធករណីគ្រឿងញៀន
31-December-2017 | ដោយ ពលមនសិការ
ព្រះសីហនុ ៖ កាលពីថ្ងៃទី៣០ ខែធ្នូ ឆ្នាំ២០១៧ វេលាម៉ោង១៦និង៣០នាទី កម្លាំងការិយាល័យនគរបាលប្រឆាំងគ្រឿង ញៀន សហការជាមួយកម្លាំងអធិការដ្ឋាននគរបាលក្រុង បានចុះបង្ក្រាបករណីគ្រឿងញៀនឃាត់ខ្លួនជនសង្ស័យ០២ នាក់ ស្ថិតនៅក្រុម ១៧ ភូមិ ០២ សង្កាត់២ក្រុង.ខេត្តព្រះសីហនុ ។
លោកឧត្តមសេនីយទោ ជួន ណារិន្ទ ស្នងការខេត្តព្រះសីហនុបានឲ្យដឹងថាជនសង្ស័យទី១-ឈ្មោះ សុខ ម៉ាប់ ភេទប្រុស អាយុ៣៨ឆ្នាំ មុខរបររត់ម៉ូតូឌុបទីលំនៅបច្ចុប្បន្ន ក្រុមទី ១៧ ភូមិ ២ សង្កាត់លេខ២ ដកហូតថ្នាំញៀន ចំនួន ០៣ កញ្ចប់ ទម្ងន់ ចំនួន ០៤ កញ្ចប់ នឹង ទូរស័ព្ទមួយគ្រឿងជនសង្ស័យទី២-ឈ្មោះ គង់ សុភាព ភេទប្រុស អាយុ ២៧ ឆ្នាំ មុខរបរជាងភ្លើងទីលំនៅបច្ចុន្ន័ ក្រុមទី ១៧ ភូមិ ២ សង្កាត់២។
វត្ថុតាងរួមមានៈ ម្សៅក្រាមពណ៌សថ្លា០៩ កញ្ចប់តូច ១ ធំ ទម្ងន់ ០,៤៩ ក្រាមទូរស័ព្ទ មួយគ្រឿង។ រហូតដល់ម៉ោង ២០និង៣០ នាទី ឈ្មោះ សុខ ម៉ាប់ នឹង ឈ្មោះ គង់ សុភាព បានសហការជាមួយកម្លាំងសមត្ថកិច្ចរបស់យើងបានបន្តទៅឃាត់ខ្លួនមុខសញ្ញា ០២ នាក់ទៀតដែលជាអ្នកយកថ្នាំញៀនមកអោយដែលលមានឈ្មោះ ណែម តុលា ភេទប្រុស អាយុ ១៦ ឆ្នាំ មុខរបរ មិនពិតប្រាកដ ដកហូតបានថ្នាំញៀនចំនួន មួយកញ្ចប់ ទម្ងន់ ១,២៦ ក្រាម នឹង ម្នាក់ទៀតឈ្មោះ វង្ស ស៊ីណែត ភេទប្រុស អាយុ ១៧ ឆ្នាំ មុខរបរ មិនពិតប្រាកដ ដកហូតទូរស័ព្ទ មួយគ្រឿង លុះដល់ម៉ោង ២១និង៣០ នាទី ឈ្មោះ ណែម តុលា នឹង ឈ្មោះ វង្ស ស៊ីណែត បានសហការជាមួយសមត្ថកិច្ច ដើម្បីបន្តទៅឃាត់ខ្លួនមុខសញ្ញាម្នាក់ទៀតដែលមានឈ្មោះ ប្រាក់ វណ្ណះ ភេទប្រុស ១៧ ឆ្នាំ មុខរបរ មិនពិតប្រាកដ។
បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ10741
- ម្សិលមិញ10851
- សប្តាហ៍នេះ77261
- ខែនេះ192411
- ឆ្នាំនេះ192411
- សរុប20634867